Nang makarating kami ng bahay, nagpaalam muna si Jihye na maliligo raw muna siya sa taas. Ako naman ang naghanda ng inumin. Habang naliligo si Jihye naisipan kong pumunta sa aking silid at magpalit ng mas kumportableng kasuotan dahil suot ko pa ang napakakapal na damit panlabas gayong mainit naman ang bahay dahil sa heater.
Paglabas ko ng aking silid nasalubong ko si Jihye na papalabas ng banyo, nakatapis lamang ito ng maksi kaya’t kitang-kita ang kanyang kakinisan at kaputian. Halatang malulusog ang dibdib ni Jihye na noon ko lang napagtanto dahil lagi siyang naka-longsleeves o di nama’y turtleneck collar. Patay-malisyang nilampasan ko siya at sinabihang bumaba agad at naghihintay ang inumin. Tumango lang siya at ngumiti.
Tinutungga ko na ang isang bote ng Bud nang bumaba si Jihye. Suot niya ang pamilyar na pantulog na parang mahabang tshirt na lampas-tuhod. Kaya naman napabiro tuloy ako.
“Are we drinking or are you already off to bed?”
“Drink of course, I just want to wear this so that I’m always ready to sleep,” pagdadahilan niya.
“This is yours,” sabay bigay ko sa kanya ng isang lata ng vodka ice na binuksan ko na para ‘di na rin siya mahirapan. “The rest are in the fridge.”
“Thanks… isn’t this strong?” sabay inom. “Hmm… this tastes like soda…” inom ulit. “I like this, Vic. It’s not bitter, it’s sweet, not like that, eeew,” itinuro niya ang bote ng beer na iniinom ko.
“Take it slow, Ji. It might get you drunk…” nginitian ko siya na parang nagbibigay babala. “You won’t know it, you’ll be surprised that you’re already intoxicated.”
Tumawa lang si Jihye sa sinabi ko. Halatang inienjoy niya ang pag-inom. Light drink lang ang iniinom niya pero natatakot akong malasing siya nito dahil sa bilis ng kanyang pag-inom at dahil hindi rin siya gaanong sanay sa mga nakalalasing na inumin. Naunang naubos ni Jihye ang kanyang vodka ice bago pa man ang huling tungga ko ng unang bote ng beer. Ibinaba niya ang bayong lata at nagpaalam na iihi daw muna siya.
Pagbalik niya galing banyo, nabanaag ko sa kanya ang kakaibang ngiti.
